لا تكذب على أمك .....

أم راحت تزور ابنها سامي لمدة 3 أيام في لندن لأنه بيدرس هونيك
وشافت إنه ابنها ساكن مع وحدة اسمها جيجي...
هي البنت متشاركة معه بالغرفة... زميلة سكن يعني !!

الأم ما عرفت شو تعمل, بس لاحظت إن جيجي يللي متشاركة مع ابنها بالغرفة
حلوة و جذابة...
فـتوقعت انه في علاقة بينهم...
وهالشي خلاها تحس بالفضول الشديد...

سامي قدر يقرأ أفكار أمه و تصرّف بسرعة وقال لأمه : أنا عارف شو يللي عم
تفكري فيه، بس حبيت أطمنك إنه انا و جيجي مجرد زملاء متشاركين بالغرفة لا
أكثر ولا أقل!!!
بعد ذلك رجعت الأم من الزيارة إلى بلدها

الأسبوع اللي بعده...
جيجي قالت لسامي: من يوم ما سافرت أمك من عنا وانا فاقدة الزبدية الفضية
تبع السكر...
بتعتقد انو أمك أخذتها معها ؟

سامي قال: بشك بهالشي، بس خليني ارسل لها ايميل مشان أتأكد
قعد و كتب الإيميل لأمه :
أمي الحبيبة:
أنا ما عم أقول إنك ( أخذتي ) زبدية السكر الفضية من بيتي ... ولا عم
أقول إنك ( ما أخذتيها ) بس الحقيقة إن الزبدية الفضية تبعت السكر ضاعت
من أول
ما غادرتينا

تحياتي... سامي

بعد كم يوم وصلة رد من أمه على الإيميل
والرد بيقول :
عزيزي سامي:

أنا ما عم أقول إنك (عم تنام ) مع جيجي...
ولا عم أقول إنك ( ما عم تنام ) معها...
بس الحقيقة بتقول...
إنه لو هي فعلاً بتنام بفراشها الخاص
كانت لقت زبدية السكر الفضية عليه من أول ما سافرت أنا

تحياتي ...




أمك يا حمار




مع تحيات المايستروووو